Gipaniguro sa Department of Labor and Employment (DOLE) nga tumanon sa mga konsumidor ug negosyante ang mga palisiya ug lagda nga may kalabotan sa plano nga pagbaligya og bugas sa kantidad nga P20 kada kilo.
Sumala sa DOLE, pagabantayan iniini ang implementasyon sa maong lakang aron masiguro nga walay malapas nga balaod, labi na sa bahin sa labor standards ug patas nga transaksiyon. Ilang giila nga ang plano sa gobyerno sa pagpaubos sa presyo sa bugas usa ka dakong tabang sa mga ordinaryong Pilipino, apan kinahanglan kini nga ipatuman sa husto ug patas nga paagi.
Gipunting usab sa DOLE nga makigtambayayong sila sa ubang ahensya sa gobyerno sama sa Department of Agriculture ug Department of Trade and Industry aron matutukan ang legal ug economic aspects sa maong lakang. Gipasidaan sa ahensya ang mga nagapaningkamot nga mag-abuso sa sistema, ilabi na kadtong magpahimulos sa ubos nga presyo apan maglapas sa mga regulasyon, nga sila posibleng maatubang og silot sumala sa balaod.