Nangandam ang Department of Labor and Employment (DOLE) sa epekto sa 19% nga taripa sa US sa mga produkto sa Pilipinas.
Matud ni Labor Secretary Bienvenido Laguesma, posibleng maapektuhan ang mga anaa sa manufacturing sector hinungdan nga gipasiugdahan ang Adjustment Measures Program (AMP) aron suportahan ang mga gagmay nga mga negosyo.
Dugang pa ni Laguesma, nga ang pag-usbaw sa taripa mahimong magpalisod sa mga produkto sa Pilipinas nga makigkompetensya sa internasyonal, hilabi na nga ang ubang kanasuran adunay mas ubos nga buhis ug direkta nga agianan sa supply chain.
Kahinumdoman nga gianunsyo ni US President Donald Trump sa miaging semana nga ang iyang administrasyon mopahamtang og 19% nga taripa sa mga produkto gikan sa Pilipinas diin gikaingong mas ubos og gamay sa unang gianunsyo nga 20%.