Gikumpirma sa Department of Justice (DOJ) nga aduna na kini’y ‘lead’ o giya sa gikahimutangan sa patayng lawas sa mga nahanaw nga sabungero, sa Taal Lake.
Sumala mismo ni Justice Secretary Jesus Crispin Remulla, aduna na silay gikuptang impormasyon nga makatabang sa pagplano sa diving operation.
Gibutyag ni Remulla nga ang ilang lead karon mamahimong giya sa tukmang lokasyon ug paagi sa operasyon nga kinahanglan buhaton.
Apan iyang giila nga dili kini sayon, gumikan ang Taal Lake adunay gilapdon nga kapin 200 square kilometers, diin didto matud pa gipangtambog ang mga biktima o gihipos base sa alegasyon ni alyas ‘Totoy’ (Julie ‘Dondon’ Patidongan).
Giinsister sa DOJ nga determinadong masuta ang kamatuoran sa kaso sa mga nahanaw nga sabungero, ug buhaton nila ang tanan aron kini maresolba. Gipahibalo usab ni Remulla nga na-delay pa ang plano nga pagsuyod sa tubig hinungdan sa dili maayong panahon, apan padayon ang preparasyon para matuman kini sa husto nga panahon.
Samtang, hingpit usab nga gisuro sa ilang ahensya nga protektado si Alyas Totoy aron magpabiling lig-on ang tinubdan sa mga pamahayag niini isip testigo ug kaluwasan.
Kabahahin niini, dakong pasalamat usab sa mga pamilya sa mga biktima gumikan sa kadugay sa panahon nilang gihulat hapit na nila ug natubuan silag paglaom maangkon ang hustisya.