Girespondehan sa City Health Office sa Malaybalay ang disgrasya sa usa ka kotse tali sa usa ka trak nga igo lamang nagparking sa P2, Sayre Highway Kalasungay, pasado alas 9:00 sa buntag ning adlawa, Mayo 15, 2025.
Subay sa impormasyong nahagpat sa Bombo Radyo Malaybalay, nanukad gikan ang pribadong kotse sa Cagayan De Oro sa ug pauli na paingon sa Impalambong, Casisang, Malaybalay City.
Ang pribadong kotse gipanag-iyahan ni Joseph Tamparong, driver sa mismong kotse.
Nahilakip sa maong insidente ang mga sakay niini kansa giilang si Tessie Tamparong, asawa sa drayber, ug Nerijane Tamparong, pasaherong sakay sa likod nga bahin sa kotse kansa sister-in-law sa drayber.
Kasamtangang nagpadayong ang imbestigahan sa otoridad aron masuta ang hinungdan sa maong insidente.
Apan, hugot nga gipanghimakak sa drayber nga nakatulog kini gumikan duna matud pay kalit lamang mitabok.
Sukwahi sa depensa ni Tamparong sa mga nakakita sa maong insidente gumikan wala matud pay niagi o nitabok.
Gani, dunay mga early warning signs nga gimuntar kilid sa truck nga nalambigit sa among insidente, apan posibleng wala atud pa kini nakita sa drayber sa kotse.
Hinoon, gilayong gidala sa balay tambalanan ang mga biktima diin ang senior citizen ang hilabihan nga naangol gumikan sa gikusgon sa maong impak.