Diplomatic efforts sa Vietnam gilihok na sa DILG alang sa pagdakop kang Atong Ang

Nakig-alayon ang mga law enforcement agencies sa nasud ngadto sa mga Vietnamese counterparts human madawat ang taho nga nakit-an sa Vietnam ang puganteng negosyante nga si Charlie “Atong” Ang.

Si Ang ang giilang “primary suspect” sa kontrobersyal nga kaso sa mga nanga-missing nga sabungero sa nasud.

Sumala ni Department of the Interior and Local Government (DILG) Secretary Juanito Victor “Jonvic” Remulla, kasamtangan nang nagpahigayon og “diplomatic efforts” ang kagamhanan aron pormal nga makig-istorya sa mga otoridad sa Vietnam.

Tumong niini nga masusi ang mga immigration records sa maong nasud aron makumpirma kon anaa ba gayod sa maong dapit ang nahisgutang “most wanted fugitive.”