Nanawagan ang Department of Foreign Affairs kon DFA pinaagi kang Rogelio Villanueva Jr., DFA Maritime Affairs Spokesperson, nga ang mga pamahayag tali sa China ug Pilipinas mamahimong iagi sa kalmado, propesyonal, ug “constructive,”.
Kini hilabi na tali sa nagpadayon nga tensyon kabahin sa West Philippine Sea.
Matud ni Villanueva, bisan pa man sa managlahi og baruganan ang duha ka nasud, ang diplomatikong komunikasyon angay magtahod sa internasyonal nga pamatasan ug magpalig-on sa matinud-anong dayalogo imbis nga makadugang sa panaglalis o panagpabngi.
Gipasabot usab sa tigpamaba, nga ang Pilipinas magpadayon sa lig-on nga pagpanalipod sa soberanya ug katungod niini, samtang nag-awhag sa responsable ug matinahuron nga pakigpulong aron malikayan ang dili angay nga eskalasyon ug mapadayon ang maayong relasyon tali sa duha ka nasud.