Nahimong emosyonal si Senador Ronald Bato dela Rosa sa plenary session sa dihang iyang gihangyo ang interim release ni kanhi Presidente Rodrigo Duterte, nunot sa giingong welfare check kaniya samtang siya gitanggong sa International Criminal Court (ICC) sa The Hague, Netherlands.
Sa nakuhang impormasyon ni Bise Presidente Sara Duterte, ang nasangpit nga welfare check gihimo sa mga personnel gikan sa Philippine Embassy sa The Hague.
Matod sa senador, kinsa man sila nga mohimo og welfare check sa usa ka tawo nga gi-surrender sa gobyerno ug natanggong sa ICC, o kini usa ka operasyon nga gitumong sa pagpamubo sa kinabuhi ni kanhi Presidente Duterte ug kansang kaayohan mao ang kasamtangang administrasyon nga giingung naningkamot nga molambo.
Dugang pa niya nga posibleng nakahatag lang kini og dugang kalagot ug emosyonal nga kapit-os sa kanhi Presidente.
Busa, agig tubag, nanawagan ang senador sa Senado nga iapil ang Proposed Senate Resolution No. 18, nga nagtinguha nga isulong ang interim release ni kanhi Presidente Duterte sa ICC, ilabi na nga nagsingabot na ang Pasko.
Tumong sa maong resolusyon nga barogan ug suportahan sa Senado ang panawagan nga ipaubos sa house arrest si Duterte.
Gitapos sa senador ang iyang pakigpulong pinaagi sa panawagan nga magpakita og pagpakabana ug pagtahod sa dugay nang lider sa nasud.