Dakong usbaw sa presyo sa Lana, ipatuman ugmang adlawa

Gikatakdang mupatuman og dakong usbaw sa presyo sa lana ang mga lokal nga kompanya sa nasud sugod ugmang adlawa.

Base sa gipagawas nga mga report, dakong usbaw ang presyo sa gasolina og ₱1.00 matag litro, samtang ang diesel musaka og ₱2.00 matag litro.

Ang kerosene ₱1.50 matag litro.Kini na ang ikaduhang sunod-sunod nga semana nga dunay pag-usbaw sa presyo sa gasolina ug ikaupat na nga sunod-sunod nga semana alang sa diesel ug kerosene.

Matud pa sa Department of Energy–Oil Industry Management Bureau (DOE-OIMB), ang nag-unang rason sa usbaw sa presyo mao ang nagkagrabe nga tensyon sa nasud nga Iran.