Andam na ang syudad sa Malaybalay alang sa Bagyong Uwan nga misulod na sa Philippine Area of Responsibility (PAR) kagabii, pasado alas 10 sa gabii.
Sumala sa City Disaster Risk Reduction and Management Office (CDRRMO) Malaybalay nagpahigayon na sila ug briefing uban sa mga personahe aron andamon ang tanang yunit sa posibleng epekto sa bagyo bisan pa man nga layo ang syudad sa dalan nga agi an sa bagyo.
Sa eksklusibong pakighinabi sa Bombo Radyo kay Arian Johnson Caga-anan, head sa Operations and Warning Division sa CDRRMO nga nakaplastar na ang mga kagamitan sa pagresponde kon ugaling adunay mga pagbaha. Gipahimangnoan na usab ang tanang barangay sa syudad pinaagi sa radio nga mao ang ilang main line of communication.
Dugang pa ni Caga-anan, usa sa mga gipang-una sa syudad mao ang pagtinabangay sa katawhan sa paglimpyo ug pagtanggal sa basura sa drainage, tungod kay kini kasagarang hinungdan sa pagbaha.
Igo usab ang ihap sa mga responders ug kung adunay barangay nga makasinati ug pagbaha ingon man magaugment ug dugang mga personahe aron matabangan ang mga apektado.