Adunay dakong kabag ohan nga ipatuman ang syudad sa Valencia sugod sunod tuig subay sa nagkadugang populasyon ug kalambuan niini.
Sa eksklusibong pakighinabi sa Bombo Radyo Malaybalay ni Jun Galario, kanhi Mayor ug karon Consultant sa lokal nga panggamhanan nga sugdan na ang pagtukod sa usa ka state of the art City Hall sa Diversion Road.
Lakip usab sa mga plano ang pag-renovate sa karaang terminal diin ibalhin ang operasyon sa kasamtangang bag-ong terminal niini.
Samtang ang bag-ong terminal karon himoong City Hospital usa ka dakong proyekto nga gitumong alang sa kaayohan sa katawhan sa Valencia City.
Saysay pa ni Galario nga ang budget alang sa pag-renovate sa terminal mokabat ug P200 milyon nga gigahin aron mas mapaayo pa ang serbisyo sa syudad.