Gibutyag ni PMaj. Joann Navarro, tigpamaba sa PNP Region 10, bisan dunay mga massacre ug shooting incidents sa Bukidnon, mga krimen sa ubang lugar sa rehiyon nagpabilin pa gihapon nga malinawon ang tibuok rehiyon dies.
Gani matrud ni Navarro, mikunhod kapin sa 33% ang mga kaso sa walo ka mga focus crimes sa rehiyon, nga naglakip sa pagpatay, homicide, physical injury, pangabuso ug pagpanglugos, pagpanlupig, pagpangawat, carnapping. Sumala pa ni Navarro, ang PNP makanunayong gapahigayon og hot pursuit operations, hilabi na kon dunay mga dagkong krimen aron dunay diretsong kasulbaran.
Dugang pa niini, nga giimplementar usab ang Revitalized Police Sa Barangay (RPSB) program aron masulbad ang mga kaso ug mabati ang presensya sa kapulisan sa mga barangay.
Ang programa nagtumong sa pagpalambo sa mas luwas ug kalig-on nga komunidad.
Samtang, mibutyag usab si PLTCOL Joepet Paglinawan, PNP Malayablay officer-in-charge, nga 1 out of 3 sa mga dagkong insedente nga nahitabo sa probinsya, anam na og kasulbad.
Gibutyag niini, nga ang insedente sa Brgy. Dalwangan, napasakaan na og kaso ang suspetsado. Samtang ang sa Brgy. Casisang, pasakaan og sumbong ning semanaha.
Apan, sa Brgy. Managok, dako ang progreso sa pag-identify sa suspek, apan dili pa kini madisclose sa kapulisan mahitungod kini usa ka pinakasensitive nga kaso mahitungod sa mga minor nga nahimong saksi sa insidente.