Gidiskwalipika sa Comelec 2nd Division si Pasig City lone district representative Ian Sia tungod sa malaw-ay nga mga pulong bahin sa mga single mom.
Si Christian “Ian” Sia, usa ka abogado ug politiko nga magpapili isip congressman sa Pasig City sa eleksyon sa Mayo 2025, apan nadisqualify na kini ug nahimong sentro sa kontrobersiya tungod sa iyang mga pahayag ug aksyon nga makonsiderang ‘sexist’.
Gawas sa iyang mga pamahayag nga nagbiay-biay nga nagtanyag sa iyang kaugalingon ngadto sa mga single mom nga ginaregla pa, daw gipakaulawan sab niini ang timbang sa iyang kanhi katabang isip basehanan sa division ruling.
Samtang, si Sia nagpasabot nga ang iyang mga pahayag usa lamang ka joke ug usa ka matang sa “freedom of speech.”.
Tungod sa iyang mga pahayag, ang Commission on Elections (COMELEC), nagdesisyon nga i-disqualify kini gumikan nahimo kining malapason sa angayng ipakitang pamatasan ug balaod sa pagpanalipod sa dignidad sa mga kababayen-an.
Si Comelec chairman George Erwin Garcia niingon nga mahimo pa nga iapela ni Sia ang maong desisyon atubangan sa poll body en banc ngadto sa Korte Suprema.