Mipatuman ang mga organizer sa 33rd Southeast Asian Games (SEA Games) nga ipahigayon sa Thailand og mga kausaban.
Matud ni Gymnastics Association of the Philippines President Cynthia Carrion, nga ang two-time Olympic gold medalist nga si Carlos Yulo ang maapektuhan sa maong mga kabag-ohan.
Gipadayag usab sa mga organizers nga ang kasabutan nga ang mga atleta sama ni Yulo nga makigtigi sa lain-laing mga apparatus mahimo lamang makapili og usa nga iyang apilan.
Dugang pa ni Carrion nga sigurista ang mga organizers tungod nga siguradong makuha ni Yulo ang tanang kategorya ug apparatus nga iyang apilan.
Mahimong pilion lamang ni Yulo ang parallel bars tungod didto niiini nasakmit ang bulawang medalya.
Gitugyan na usab nila kang Ivan Cruz ang floor exercise ug kang Miguel Besana ang vault nga nahimong kampyeon sa miaging SEA Games.
Kasamtangang nakatutok si Yulo sa Artistic Gymnastics World Championships nga ipahigayon sa Jakarta, Indonesia karong Oktubre 19 hangtod 25.
Kahinumdoman nga kaniadtong 2023 SEA Games, nasakmit sa Pilipinas ang upat ka gold, duha ka silver ug usa ka bronze medal.