Gihagit ni Caloocan Bishop ug Catholic Bishop Conference of the Philippines (CBCP) president Pablo Virgilio “Ambo” David angIndependent Commission for Infrastructure kon ICI nga barugan ug tapuson ang gisugdan nga imbestigasyon kalabot sa anomaliya sa flood control projects nga unang gisugdan sa administrasyon ni president Ferdinand Marcos Jr., ang pagbulgar sa maong isyu.
Atol sa halapad nga protestang kalihukan gahapong adlawa kabahin sa Trillion Peso March rally sa Metro Manila, gumikan niini gisugdan na ang imbestigasyon angay nga pamatud-an sa administrasyon ang tumong sa Commission nga tapuson ang halapad nga korapsyon sa nasud.
Tungod nahinaykan na kini, kinahanglan nga hingpit kining mahuman aron matapos na usab ang kalisod sa katawhan.
Samtang sa pikas bahin, nanawagan usab si labor leader Ka Leody De Guzman nga ipapanubag ang mga nalambigit sa korapsyon, ipakanaog sa katungdanan si Presidente Ferdinand Marcos Jr., ug Vice President Sarah Duterte.
Matud ni De Guzman, lakip sa angay tuldukan o tapuson ang political dynasty sa nasud aron mawagtang usab ang korapsyon.
Giawhag niini ang katawhan, mga sektor ug kabatan-onan nga makighiusa sa panawagan ug pagbatok sa tanang matang sa dili hustong pagdumala sa nasud.