- Advertisement -
Nadakpan sa kapulisan ang 41-anyos nga suspek nga gi-alias “Bani” sa buy-bust operation sa Barangay Bagontaas, Valencia City, Bukidnon alas 5:41 sa hapon niadtong Pebrero 4, 2026, human siya mipamusil batok sa mga operatiba ug misangpot sa armado nga engkwentro.
Gipahigayon ang operasyon sa Valencia City Police Station uban ang PDEA ug uban pang law enforcement units, diin nasamdan sa tiil ang suspek ug nakumpiska ang 5.2 gramos nga gituohang shabu nga nagkantidad og P35,360, uban ang armas ug bala.
Ang suspek gidala sa ospital alang sa pagtambal ug gipasakaan og kaso ubos sa RA 9165 ug RA 10591 samtang ang ebidensya gisumite sa forensic unit alang sa eksaminasyon.
- Advertisement -