Pahimuslan sa Bukidnon Second Electric Cooperative (BUSECO) ang dose ka oras nga pagwala sa kuryente karon adlawng Sabado aron nga mapaarang usab ang ilang serbisyo sa mga membro consumante.Sumala ni BUSECO General Manager Christopher A. Dulfo, ang BUSECO nag-ride on sa maong brownout nga ipatuman sa National Grid Corporation of the Philippines (NGCP), aron maapil ang ilang mga buluhaton sama sa pag-inspeksyon ug pag-ilis sa mga poste ug linya.
Tumong niini ang paglimita sa mga umaabot nga power interruptions, ug giklaro usab ni Dulfo nga ang NGCP ang nagmando sa brownout, nga kabahin sa regular nga maintenance activity sa Maramag substation. Ang 12-ka-oras nga power interruption magsugod sa alas 6 sa buntag hangtod alas 6 sa gabii, ug makaapekto sa mga lugar nga konektado sa Maramag substation, lakip ang parte sa Valencia, Malaybalay, ug kasikbit nga mga munisipyo nga sakop sa First Bukidnon Electric Cooperative, Inc.