Gidakop sa National Bureau of Investigation (NBI) ang kanhing engineer sa Department of Public Works and Highways (DPWH) nga sila Brice Hernandez ug Jaypee Mendoza.
Gipasa sila sa kustodiya sa Senate Office of the Sergeant at Arms human sa ilang pagtambong sa pagdungog sa Senado niadtong Lunes, Enero 19.
Ang duha mga co-accused sa kanhi Senador Ramon “Bong” Revilla Jr. sa kasong graft ug malversation of public funds nga gihain sa Sandiganbayan.
Sukad pa niadtong miaging tuig, detenido na sa Senado ang duha human sila ma-cite in contempt atol sa pagdungog sa Senate Blue Ribbon Committee may kalabotan sa anomalya sa mga flood control projects.
Gikumpirma usab ni Senate President Vicente “Tito” Sotto III nga naghatag siya og otorisasyon alang sa pagsilbi sa warrant of arrest.
Gawas kang Revilla, Mendoza, ug Hernandez, apil usab sa mga gimandoang ipaaresto sa Sandiganbayan Third Division sila Arjay Domasig, Juanito Mendoza, Emelita Juat, ug Christina Pineda.