Ang bise Mayor maoy sunod nga mulingkod ugaling dili makaserbisyo ang Mayor kini ang giklaro ni Atty. Orly Vicente Montalban, usa ka law practitioner.Sumala ni Atty Montalban nga dunay mga legal nga sangputanan sa pagserbisyo ni Duterte tungod sa iyang detention sa gawas sa nasud.
Klaro matud pa sa balaod klaro nga hangtod wala pa siyay final conviction, Duterte gihapon ang mayor, apan kung siya dili makapadayon sa pag-perform sa iyang mga katungdanan tungod sa pagkakustodiya sa ICC, mahimo nang basehan alang sa administrative intervention. Dugani ni Atty Montalban nga papel sa Vice Mayor, nga legal nga sunod nga mopuli kung dili na aktibo ang mayor sa pagserbisyo.
Kung ang mayor dili na makapadayon, ang Vice Mayor ang mo-take over temporarily or permanently, depende sa assessment sa DILG ug sa city council. Kini nga proseso gitakda sa Local Government Code.Gawas sa posibilidad nga mapulihan siya, gihatagan sab ni Atty. Montalban og suhestyon si Duterte kung unsa’y mga legal nga lakang nga iyang buhaton aron masalbar ang iyang posisyon: Una niini mao ang paghangyo og Temporary Release gikan sa ICC aron makapanerbisyo ug makapadayag sa katawhan, ika duha niini mao sab ang pag-challenge sa Jurisdiction sa ICC aron ipangayo nga balibaran ang kaso batok kaniya, ug ang ikatulong sulosyon mao ang pagpakita og Kooperasyon sa Gobyerno Lokal pinaagi sa pagtugot sa Vice Mayor nga modumala samtang siya wala.
Pasabot ni Atty. Montalban, kung seryoso si Duterte nga moserbisyo, kinahanglan niya nga buhaton ang tanan legal nga paagi aron masulbad ang iyang kaso o ipakita nga andam siya motugot nga ang Vice Mayor modumala temporarily aron maprotektahan ang serbisyo publiko. Sa pagkakaron, padayon ang tan-aw sa katawhan sa lakang nga buhaton sa DILG, ICC, ug sa kampo ni Duterte — lakip na ang papel sa Vice Mayor nga posibleng mopuli kung ang mayor dili na makatuman sa iyang mandato.