Supak si Batangas Representative Leandro Leviste, sa gipahamtang nga 60 ka adlaw nga suspesyon batok kang Cavite 4th District Representative Kiko Barzaga.
Matud ni Leviste, dili kini ang prayuridad nga tutukan sa kongreso gumikan aduna pay mas labing mahinungdanong isyu ang kihanglan og hingpit nga pagtagad kabahin sa korapsyon rason nga miboto nga dili pabor ang mambabalaod batok sa suspension ni Barzaga.
Atol sa plenary session kagahapong adlawa, giduso ni Leviste nga adunay kongresistang Batangenyo usab ang miboto sa suspensyon nga akusado og pre-oredery kalabot sa P100 bilyon projects sa Department of Public Works and Highways apan wala pa giimbestigahan.
Wala gihinglan ni Leviste ang akusado apan nakit-an ang kongresista kauban si Representative Edwin Gardiola diin giakusahan usab sa susamang isyu.
Dugang pa niini dili angay unahon ang kaso ni Barzaga kung adunay mas bug-at pang mga alegasyon nga kinahanglan batok sa ubang miyembro sa Kamara.
Kahinumduman nga giakusahan si Cavite 4th District Representative Kiko Barzaga sa kasong disorderly behavior kagahapong adlawa.
Gibasa sa plenaryo ang mga patakaran sa kongreso nga nalapas sa mambabalaod.
Napamatud-ang sad-an sa House Ethics Committee si Barzaga human sa gikaingong dili angay nga pamatasan sa pipila ka mga social media posts niini nga nakalapas sa code of conduct sa usa ka mambabalaod.
Human sa gipagula ang rekomendasyon niini, gihagan og higayon nga mutubag si Barzaga sa plenaryo ug gisulti nga kasingkasing niining gidawat ang desisyon sa komite.
Subay sa maong pamahayag gidugang sa kongresista, kinahanglan manubag si President Marcos sa iyang mga krimen diin gipalungan kini og mikropono.