Nabaligya ang usa ka talagsaon ug napreserbang balahibo sa nahanaw na nga huia sa kantidad nga $46,000 New Zealand dollars (mga ₱1,669,000) atol sa subasta.
Tungod niini, opisyal nga giilang pinakamahal nga balahibo sa kalibutan ang balahibo sa huia.
Ang huia, nga usa ka endemic species sa New Zealand, nahanaw pa sukad pa niadtong 1907.
Bisan pa niini, padayon nga gihatagan ug dakong bili ang mga balahibo niini tungod sa kultural ug espiritwal nga kahulogan niini sa mga Maori, nga sagad magputong niini sa ulo sa ilang mga lider.
Sumala ni Leah Morris sa Webb’s Auction House, ang maong balahibo adunay kolor brown ug iridescent nga kinaiya, ug walay bisan unsang kadaot.
Ang balahibo nga mosukod lamang ug 9 ka gramo una nga gibanabána nga mabaligya sa $3,000, apan napalit kini sa kapin napulo ka pilo nga mas taas nga presyo, nga nagpakita sa labing taas nga bili niini tandi sa bulawan.