Opisyal nang mihulip si PCOL. Oliver Navales isip bag ong Police Provincial Director sa Probinsya sa Bukidnon sa usa ka change of command ceremony nga gipahigayon kagahapon sa Folk Arts Theater dinhi sa syudad sa Malaybalay.
Gipuli ni PCOL Navales ang kanhing Provincial Director, PCOL Juvit Culaway, nga nagsilbi kaniadto sa kapulisan sa probinsya. Sa iyang unang mga pahayag isip bag-ong lider, gisulti ni PCOL Navales nga iyang padayonon ug palapdan ang mga maayong programa alang sa kapulisan sa Bukidnon aron mas mapalambo pa ang seguridad ug kalinaw sa probinsya.
Gipasiugda usab ni PCOL Navales ang pag-intensify sa kampanya batok sa illegal nga druga ug ang pag-monitor sa performance sa tanang station commanders sa syudad ug munisipyo aron masiguro ang maayong pagserbisyo sa katawhan.
Ang seremonya gitambungan ni Governor Oniel Roque, uban sa mga mayor gikan sa lain-laing lungsod ug siyudad sa Bukidnon.
Ang turnover sa Office Symbol ug Property and Equipment Inventory Book gipangulohan ni PBGen. Christopher N. Abrahano, acting Regional Director sa PRO 10.
Gilauman nga pinaagi sa bag-ong liderato ni PCOL Navales, magpadayon ang kalinaw ug kahusay sa Bukidnon ug molambo ang ekonomiya nga layo sa gubo