Bag-ong black pearl strawberry, gikagubtan karon sa China

Human sa sikat nga White Jewel sa Japan  nga usa sa gipaningkamotan sa Japan ang paghimo sa perpektong strawberry, ang China na usab ang mibida sa merkado human gikagubtan sa merkado ang  itom nga strawberry nga gitawag og Black Pearl.

Giila kini karon nga “Hermes sa mga strawberry” tungod sa kamahal sa presyo niini nga moabot og $45 matag libra o hangtod $6 matag buok.

Ang talagsaon niini nga itom nga kolor gikan sa anthocyanin, usa ka natural nga kemikal nga makita usab sa blueberries.

Bisan pa sa kamahal niini, daghang mag-uuma ang nagduha-duha sa pagtanom tungod sa kalisod sa pagpadako niini ug sa kagamay sa maani nga produkto.