Nanawagan si Manila Archbishop Jose Cardinal Advincula nga hunongon na ang gubat sa Middle East atol sa mensahe niini alang sa Easter Sunday.
Sa opisyal nga pamahayag niini, nakighiusa ang Cardinal sa panawagan ni Pope Leo XIV alang sa kalinaw taliwala sa nagpadayong tensyon sa nasud sa Iran, Estados Unidos, ug Israel nga nagsugod niadtong miaging bulan.
Matud pa sa Arsobispo, ang Pasko sa Pagkabanhaw usa ka pakigbisog batok sa kapungot.
Giawhag usab sa Arsobispo ang mga Pilipino nga isalikway ang globalization of indifference ug ang nahimo nang normal nga genocide sa nagkalain-laing bahin sa kalibutan.
Samtang gipahinumdoman ni Cardinal Orlando Quevedo, Archbishop Emeritus sa Cotabato, ang mga magtutuo mahitungod sa matuod nga konenksyon sa tawo ug sa Diyos.
Sa mensahe niini, gipasabot sa Arsobispo nga sukwahi sa pagtuo sa kadaghanan, dili ang tawo ang naghulat sa Ginoo, kondili ang Ginoo ang naghulat kanato.