Anak sa magtiayong nadasmagan sa Boss Ironman Rider sa Lantapan, determinadong mupasaka og kaso

Determinadong mopasaka og kaso ug dili makig-settle ang anak sa magtiayong nadasmagan sa usa ka partisipante sa Boss Ironman Challenge 2026 didto sa Lantapan, Bukidnon, niadtong Pebrero 1.

Matud sa anak sa mga biktima, kinahanglang manubag ang rider lakip na ang organizer sa maong lumba tungod sa nahitabong disgrasya. Ang maong insidente kabahin lamang sa sunod-sunod nga aksidenteng natala sa Bukidnon nga naglambigit sa maong event.

Nasayran nga pasado alas 2:00 sa hapon sa samang adlaw, usa ka 900cc nga motorsiklo usab ang mibangga sa usa ka motorela didto sa Kibawe diin samaron ang drayber ug ang rider. Natala usab ang susamang mga aksidente sa Valencia City ug lungsod sa Talakag samtang nagpadayon ang lumba sa probinsya.