Usa ka panagtigi sa panimalay ang misangpot sa madugong trahedya human kini molungtad sa baylo sa kinabuhi. Patay ang usa ka 38-anyos nga lalaki human gidunggab sa kaugalingong amahan sa alas 5 sa hapon, Hulyo 3, 2025, sa Purok 3, Base Camp, Maramag, Bukidnon.
Giila ang biktima nga si Jesus “Noynoy” Lalaan, samtang ang suspetsado mao si Felix Berto Dela Cruz, 57 anyos, nga mao usab ang ama ama o stepfather niini. Base sa imbestigasyon sa Maramag Municipal Police Station ug pakighinabi sa Bombo Radyo Malaybalay ni PLTCOL Alexander Eugenio, saysay pa niini nga, nag-inom ang duha hangtod nga miresulta sa mainit nga panaglalis.
Sa kagubot sa panaglalis miadto kini sa kusina ang suspetsado, ug gisundan usab siya sa biktima hinungdan na gidunggab sa dughan nga bahin. Gipasabot pa nga gisulayan og pugong sa inahan ang kagubot, apan wala kini magmalampuson. Dali kining gidala sa balay tambalanan apan gideklarar nga dead on arrival ang biktima.
Ang suspetsado anaa na karon sa kustodiya sa kapulisan ug pasakaan og kasong murder samtang nagpadayon ang imbestigasyon alang sa hustisya sa insidente.