Dako ang pagpasalamat sa Pinay tennis star nga si Alex Eala sa suporta sa iyang mga fans bisan pa man sa iyang kapildihan sa first round sa Australian Open.
Bisan pa man sa kapakyasan ni Eala batok kang Alycia Parks sa Estados Unidos sa iskor nga 0-6, 6-3, 6-2, daghan gihapon nga mga Filipino fans ang mitan-aw sa iyang duwa ug nagpahayag sa ilang pagdayeg.
Sumala ni Eala, dako kaayo’g inspirasyon sa iyang pagdula ang bug-os nga suporta sa mga Pinoy bisan asa pa man sila sa kalibutan.
Nagtuo usab siya nga adunay maayong impluwensiya kini sa pagpalambo sa tennis sa Pilipinas.
Samtang, nakatakda siyang modula sa doubles karong adlawa, kuyog ang iyang kauban nga si Ingrid Martins sa Brazil, ug ilang atubangon ang pares nila Shuko Aoyama sa Japan ug Magda Linette sa Poland.