Alex Eala, makigsangka gilayon sa torneyo sa Japan

Padayong makigtigi ang Pinay tennis star nga si Alex Eala sa mga torneyo.

Human sa nakasinati og kapildihan sa unang hugna sa Wuhan Open sa China, makigtigi na usab si Eala sa usa ka torneyo sa Osaka, Japan.

Sa WTA 250 Japan Open sa Osaka, makauban niini ang pipila ka banggiitang pangalan sa tennis sama nila ni Naomi Osaka ug Leylah Fernandez.

Pagkahuman sa Japan, mobalik si Eala sa China alang sa Guangzhou Open nga magsugod sa Oktubre 20 hangtod 26 ug ang Hong Kong Open gikan sa Oktubre 27 hangtod Nobyembre 2.

Samtang sa bulan sa Disyembre, si Eala maoy mahimong main player sa nasud sa Southeast Asian Games nga ipahigayon sa Bangkok, Thailand.