Napabiling gipaubos sa Alert Level 3 ang Bulkang Mayon human sa natala nga 279 ka volcanic earthquakes, 324 ka rockfall events, ug 3 ka pyroclastic density current kon PDC signals sa nakalabay nga 24 ka oras.
Kini sumala sa pinakaulahing bulletin sa PHIVOLCS karong Marso 15, 2026. Padayon usab ang pag-awas sa lava sa Basud (3.8 km), Bonga (3.2 km), ug Mi‑isi (1.3 km) gully, samtang napansin usab ang Strombolian activity ug crater glow sa tuktok sa bulkan.
Gibanabana nga ang sulfur dioxide emission anaa sa 2,430 tonelada matag adlaw, ug gi-confirm ang padayon nga inflation sa bulkan, indikasyon sa aktibo nga magma sa ilawom.
Gipahimangnoan usab sa ahensya ang publiko sa strikto nga paglikay sa 6-km Permanent Danger Zone, pagdili sa pagpalupad sa aircraft duol sa bulkan, ug magmatngon sa posibleng pagkahulog sa mga bato, lava fragments, ug lahar hilabi na sa panahon sa ting-ulan.