Samdan ang pipila ka pasahero sa usa ka bus human kini mabangga samtang nagbiyahe paingon sa Kalilangan takna alas- 4:15 sa hapon, kagahapong adlawa.
Sumala sa imbestigasyon, nahitabo ang aksidente sa National Highway (Maramag-Maadugao Road) sa Purok 3, Kinura Kalilangan, Bukidnon.
Ang maong insidente, gilambigitan sa usa ka Hino truck bus ug usa ka Isuzu cargo truck nga nagbangga human misulod sa pikas lane ang usa sa mga sakyanan samtang pasulod matud pa sa sa usa ka water station.
Tungod sa maong panagbangga, nakaangkon og samad ang pito ka pasahero sa bus apan anaa sa luwas nga kahimtang ug dayon gidala sa MDRRMO ngadto sa BPH–Kalilangan alang sa atensyong medikal.
Ang duha ka drayber gidala sa Philippine National Police sa Kalilangan Municipal Police Station alang sa hustong disposisyon samtang nagpabilin sa lugar ang mga sakyanan tungod sa grabeng kadaut.