Gipaubos na sa Office of Civil Defense (OCD-10) sa heightened alert status ang 60 ka mga Local Government Units (LGUs) sa rehiyon sa Northern Mindanao tungod sa hulga sa Bagyong Basyang.
Sa eksklusibong pakighinabi sa Bombo Radyo Malaybalay, kay OCD-10 Regional Director Antonio B. Sugarol nga ang maong lakang gihimo aron masiguro ang pagpangandam sa mga dapit nga posible nga maigo sa kusog nga ulan ug pagdahili sa yuta.
Base sa datos sa OCD, mikabat na sa 66 ka mga LGUs sa tibuok rehiyon ang nagpatuman og suspension sa klase sa tanang lebel. Samtang, pito (7) ka mga LGUs usab ang nagsuspende sa trabaho sa mga opisina aron malikay sa peligro ang mga empleyado ug publiko.Kasamtangan, ang siyudad sa Gingoog pa lamang ang natala nga nagpatuman og preemptive evacuation.
​Gipahimangnoan ni Dir. Sugarol ang publiko nga magpabiling mabinantayon ug mokooperar sa mga direktiba sa lokal nga awtoridad. ​Padayon ang hugot nga pagmonitor sa OCD-10 sa dagan sa panahon ug sa sitwasyon sa matag probinsya sa rehiyon aron makahatag og dinaliang tabang kung gikinahanglan