Mikabat na sa 6 ang natala nga namatay matud sa inisyal nga imbestigasyon ug kasamtanagang pang ginakumpirma, samtang padayon pa ang search and retrieval opretion sa 8 nga wala pa makaplaging patayng lawas sa mga biktima, human natigayon ang usa ka makusog nga pagbaha sa dakbayan sa Valencia City sa milabayng adlaw matud sa consultant ug tigpamababa sa mayor nga si Jun Galario.
Gipasabot niini, nga anaa sa pito ka mga barangay ang naasoy, lakip sa ilabihan nga apektado ang Barangay sa Poblacion, Barobo, Lumbo, Tugaya, Batangan, ug Lilingayon. Saysay ni Galario, nga kapin 400 kon mudagan sa 500 ka indibidwal ang apektado sa kusog nga pagbaha sa pipila ka bahin sa maong lugar nga natigayon niadtong miaging adlaw.
Gipaambit usab ni Galario nga kamulo na ang hugot ug padayon nga retrieval operation sa mga apektadong lugar.
Dugang pa ni niini nga hingpit ang pagpanubay sa ilang buhatan kabahin sa panglawas nga panginahanglan sa mga biktima sa pagbaha aron siguruhon ang ilang kahimtang.
Nagsugod na usab sila sa pagplano sa paghikling sa mga residente nga duol sa mga creek aron malikay ang katawhan susamang insidente.
Lakip sa maong plano ang pag-relocate sa mga biktima nga gi-identify base sa estados sa kahimtang ilabi na ang mga nawad-an og puluy-anan.
Gapasalig usab niini nga padayon ang paghatod og hinabang sa mga biktima uban sa pakigtimbayayong sa mga ahensya sa pagpang-apod-apod og mga relief goods ug kagamitan alang sa mga biktima.