Nagmalinawon ug organisado ang prayer protest rally subay sa trillion peso march nga gipahigayon sa lain-laing lugar sa Rehiyon 10.
Sa post-assessment sa kapulisan, mipadayag si Police Major Joann Navarro, tigpamaba sa Police Regional Office 10, nagmalinawon ang unom ka rally nga gipahigayon sa rehiyon, tulo niini gipahigayon sa Cagayan de Oro City, samtang ang ubang kalihukan gipahigayon sa Bukidnon, Iligan City ug Misamis Oriental.
Gibutyag ni PMaj. Navarro, nga wala’y natala ang bisan unsang kasamok o insidente atol sa tibuok rally. Gipasabot sa PRO-10, nga kompleto ang mga rally permit ug lig-on ang koordinasyon tali sa organizers ug sa kapulisan, hinungdan nga mahapsay ang dagan sa kalihukan.
Gibanabana nga anaa sa kapin kon kulang 3,000 ka police personnel ang gideploy aron masiguro ang kahapsay sa trapiko, crowd control, ug kasiguridad sa matag rally sites.
Gipadayag usab sa tigpamaba, nga bisan pa sa nagpadayong adlaw-adlaw nga kalihokan sa komunidad, magpabiling hugot ang pagbantay sa seguridad, koordinasyon ug police visibility