Nakahatag og dakong kadaut ang 4th Infantry Division sa New People’s Army (NPA) human ang usa ka miyembro niini napatay ug walo (8) ka high-powered firearms ang nabawi sa mga operasyon sa Surigao del Sur ug Bukidnon.
Kahinumduman niadtong Abril 26, nakadiskubre ang mga tropa sa 75th Infantry Battalion og arms cache sa Lianga, Surigao del Sur, nga naglakip og upat ka AK47 rifles.
Niadtong Abril 28, nakakita usab ang 3rd Special Forces Battalion sa tagoanan, nga naglakip og duha ka AK47 rifles ug usa ka M653 rifle.Sa Bukidnon, niadtong Abril 27, ang mga tropa nakig-engkwentro sa mga NPA sa Sitio Bayawa, nga nagresulta sa pagkamatay sa miyembro nga si Joel Balos Dalunhay ug pagkakuha sa usa ka M16 rifle ug uban pang gamit.
Sa laing Bahin, mapasalamaton si Major General Michele B. Anayron Jr., Commander sa 4ID, sa mga former rebels nga misugid og impormasyon, nga nakatabang sa operasyon ug nagpalig-on sa kalinaw sa rehiyon