300-K bariles sa diesel, muabot  sunod semana – DOE

Gilauman nga moabot sa Pilipinas sa sunod semana ang dul-an 300,000 ka bariles sa diesel nga gipalit sa gobyerno gikan sa usa ka nasod sa Southeast Asia aron matubag ang kakulang sa suplay sa nasod.

Ang maong lakang gihimo sa Department of Energy ug Philippine National Oil Company aron masiguro ang igo nga suplay sa lana taliwala sa krisis sa Middle East.

Ang diesel ibaligya ngadto sa mga pribadong kompanya sa lana aron makatabang sa kakulang sa merkado.

Bisan pa niini, ang gidaghanon sa suplay igo lamang alang sa dul-an duha ka adlaw nga konsumo sa tibuok Pilipinas.