Gipadayag sa usa ka opisyal nga daghan sa iyang mga sakop sa ikaduhang distrito sa Bukidnon ang misangyaw og reklamo batok sa serbisyo sa PrimeWater.
Tungod niini, mipasa kini og resolusyon alang sa imbestigasyon sa House Committee on Government Enterprise and Privatization. Gitumong sa resolusyon ni Atty. John Flores Representative 2nd District sa Bukidnon, nga ang pagsuta sa pagsunod o kapakyasan sa PrimeWater sa mga kasabutan sa ilang Joint Venture Agreement (JVA) uban sa Malaybalay City Water District.
Ang maong lakang gitumong aron mapanalipdan ang katawhan sa posibleng kadaot sa ilang kahimsog ug seguridad. Naglaum ang maong opisyal nga pinaagi sa imbestigasyon, mapaningkamutan ang tukmang solusyon ug accountability sa serbisyo publiko.