IMPASUG-ONG, BUKIDNON – Patay ang usa ka 28-anyos nga babaye human kini miambak gikan sa Atugan Bridge sa Sitio Kiasin, Barangay Capitan Bayong, Impasugong, Bukidnon, kagahapon sa Hapon. Giila ang biktima nga si Claudine Gantao Putis, dalaga ug residente sa Poblacion, Impasugong.
Sumala pa sa mga byahedor sa lugar nga nahimong saksi sa panghitabo, pasado alas-5:00 sa hapon dihang nakit-an ang biktima sa maong tulay nga dunay katawag sa telepono ug gilabay sa lugar ang iyang identification card ug kalit kining milayat.
Gisulayan pa og pugong sa mga nakasaksi ang biktima apan ulahe na kini. Daling miresponde ang kapulisan sa Impasug-ong ug ang Municipal Disaster Risk Reduction and Management Office (MDRRMO) rescue team.
Narekober ang lawas sa biktima banda alas-6:40 na sa gabii.Samtang hugot nga nagdumili paghatag og impormasyon ang pamilya sa biktima samtang nagpasalig ang kapulisan nga magpagawas kini og opisyal nga report karong adlawa.