25 patay human nasunog ang nightclub sa India

Mikabat sa 25 ka tawo ang namatay sa usa ka sunog nga nahitabo sa usa ka nightclub sa Goa, India.

Sumala sa inisyal nga imbestigasyon sa mga otoridad, ang sunog gikan sa pagbuto sa gas cylinder sa kusina. Ang Birch nightclub usa ka sikat nga destinasyon sa mga turista, duol sa baybayon.

Lakip sa mga namatay ang pipila ka staff sa nightclub.

Gi-aresto usab sa mga otoridad ang manager sa nightclub tungod sa insidente.