Dili momenos sa 24 ka tawo ang kumpirmadong namatay samtang 25 pa ang padayong gipangita human sa kalit nga pagbaha sa Texas, USA kagahapong adlawa.
Ang insidente natigayon atol sa mismong selebrasyon sa Independence Day sa Amerika.
Gitawag kini ni US President Donald Trump nga usa ka makalilisang nga panghitabo gumikan mikalas kini og daghang kinabuhi.
Girespondehan sa mga ahensya arun mapadali ang mga hinabang sa mga biktima.
Padayon usab ang gihimong search and rescue operation bisan sa kagabhion aron pangitaon ang mga na- missing ilabi na ang mga babayeng campers nga posible naapektuhan sa pagbaha.
Sumala ni Texas Lieutenant Governor Dan Patrick, subling mikusog ang tubig ug dali kini nga mitaas ang bul-og niini, hinungdan wala kini namatikdi gilayon sa mga lumulupyo sa naasoy nga lugar.
Sulod lamang sa 45 minutos, misaka og 26ft. ang tubig sa Guadalupe River ug kini miresulta sa dakong trahedya.
Sa pagkakaron, padayon ang pag-monitor sa sitwasyon samtang nagpadayon ang rescue operations.