Nagtuo ang Comelec nga malinawon ug hapsay ang eleksyon ugmang adlawa.
Sumala pa COMELEC Chairman George Erwin Garcia nga taas ang iyang pagsalig nga magmalinawon ug organisado ang eleksyon ugma, Mayo 12 ning tuiga.
Naglaom matud pa kini nga ang mga botante magpakita og disiplina ug magmalinawon sa ilang pagboto. Gipasabot sab sa Comelec chief nga andam na ang ilang buhatan ug sistemang ipatuman atol sa botohan, nga magpadali sa eleksyon ug sa pagproklamar sa mga mananaog.
Gibutyag usab niini nga ang publiko angay musalig ug dili motuo sa nagkatag nga fake news sama sa mga organisadong disinformation.
Kabahin niini, subling nagpahinumdom si Garcia sa mga lokal nga kandidato nga tangtangon na ang ilang dagkong campaign materials, ilabi na ang mga gibutang sa mga highway.