Gibatikos sa publiko ang aksyon sa mga senador kabahin sa impeachment case batok kang VP Sara Duterte.
Sumala ni Ramon Beleno III, usa ka political analyst, ang impeachment case nga gisang-at niadtong Pebrero 5, 2025, nagpakita nga dunay politikal nga motibo.
Matud pa sa political analyst, ang pagdungog sa senado bahin sa maong kaso dili konstitusyonal. Apan, ang 20th Congress ang dunay katungod nga magdesisyon niini.
Sa higayong dili kini mapadayon, kinahanglan na usab maghulat ug usa ka tuig sa sunod nga posibilidad sa pagpasaka og impeachment case.
Gidugang usab ni Beleno nga og ma-dismiss ang impeachment case, mamahimong usa ka moral nga kadaugan alang kang VP Sara Duterte.
Sumala sa analyst, nga sa pagsugod sa 20th congress, gituohang dunay posibilidad nga mapulihan si Chiz Escudero isip Senate President mahitungod sa daghang dismayado sa aksyon niini sa impeachment case.