Gibutyag sa Senate Blue Ribbon Committee nga panahon na aron mapadalhan og contempt order o ipaaresto ang pipila ka personalidad nga padayon nga wala misalmot sa pagdungog.
Kini nagsunod sa daghang higayon nga pag-imbita kanila, apan nagpabilin gihapon ang ilang pagdumili sa pag-apil tungod sa lain-laing rason, lakip na ang posibleng pagtago tungod sa kaso.
Lakip sa mga tawo nga apektado ang kanhi House Appropriations Committee chair nga si Zaldy Co, ug uban pang high-profile personalities nga nalambigit sa flood control scandal.
Sumala kang Senate Blue Ribbon Committee Chairman Ping Lacson, kinahanglan una nga adunay pormal nga pagdungog ang komite sa dili pa ipatuman ang contempt order batok kanila.
Dugang pa sa senador nga kinahanglan patas ang pag-aplikar sa contempt order sa tanang giimbitang resource persons.
Dili makatarunganon nga ang mga naunang miapil, sama sa contractor nga si Curlee Discaya, dali na pahamtangan og contempt, samtang ang uban pasagdan lang o wala natagaan sa pagtagad ang imbitasyon sa Senado.
Sa pagkakaron, wala pay gitudlo nga petsa kung kanus-a mulihok pag-usab ang komite alang sa sunod nga pagdungog.