Gipahibalo sa legal counsel ni kanhing congressman Zaldy Co, nga si Atty. Ruy Rondain, nga adunay seryoso nga hulga sa kinabuhi ang iyang kliyente, hinungdan nga kini nahadlok mobalik sa Pilipinas.
Sumala sa abogado, nakadawat si Co og mga credible death threats nga nagbutang sa peligro sa iyang seguridad ug sa iyang pamilya.
Tungod niini, giingon ni Rondain nga nag-amping karon si Co ug giasisteran siya sa mga otoridad aron masiguro ang iyang kaluwasan.
Wala pa gipadayag kung kinsa ang likod sa hulga, apan giingon sa kampo ni Co nga padayon nila kining ginaimbestigahan ug gipanawagan ang hustisya ug proteksyon alang sa kanhi kongresista. Â
Midangop sa media si Atty. Ruy Rondain, aron ipasabot ug klarohon ang ilang bahin sa isyu nga naglibot sa iyang kliyente.
Matud pa ni Rondain, importante nga mapaminaw usab ang ilang bersyon sa istorya aron malikayan ang sayop nga impormasyon ug mga hungihong nga nagkaylap.
Dugang niini, buot nilang ipaabot nga si Zaldy Co nagpadayon sa pagsunod sa balaod ug andam nga motabang sa imbestigasyon kon gikinahanglan.
Gihangyo usab ni Rondain ang mga mamamahayag nga magmatngon sa pagpaambit og basihan sa tinuod nga impormasyon aron mapreserba ang integridad sa proseso sa hustisya.