Yen Santos ug Chavit Singson, gihimakak ang isyung aduna kini anak

Gikataw-an lamang sa aktres nga si Yen Santos ug sa kanhi Gobernador sa Ilocos Sur nga si Chavit Singson ang mitumaw nga isyu nga aduna sila’y anak.

Sa usa ka video nga gipagawas sa aktres, personal niyang gipangutana si Singson aron klaruhon ang maong isyu.

Apan matud pa ni Singson, ang maong balita nga midagsang sa social media wala’y kamatuoran ug pulos lamang “fake news.”

Una nang giklaro sa aktres, nga ang bata nga gitumong sa mga fans iya kining manghod, diin si Singson ang usa sa mga ninong sa bunyag.

Dugang pa sa aktres, dugay na silang higala sa pamilya Singson ug walay basehan ang maong isyu.