World No. 1 Aryna Sabalenka, mo-atras sa Stuttgart Open tungod sa injury

Gianunsyo ni World No. 1 Aryna Sabalenka ang  pag-atras niini sa Stuttgart Open tungod sa injury nga nasinati.

Pinaagi sa social media account, gipahibalo sa 27-anyos nga tennis star gikan sa Belarus nga wala pa kini  hingpit nga naka-recover sa injury nga iyang nakuha human sa Miami Open niadtong Marso.

Bisan og wala niini  gi-detalye kon unsa nga matang sa injury ang iyang gihambin, klaro nga dili pa andam ang iyang lawas alang sa kompetisyon nga magsugod na sa sunod semana.

Bisan pa niini, gilauman nga magpabilin gihapon si Sabalenka sa tumoy sa world rankings samtang iyang gipangandaman ang iyang pagbalik sa court alang sa Madrid Open ug French Open.