Nagpagawas og report ang World Health Organization (WHO) bahin sa nagkagrabe nga sitwasyon sa Middle East ug pipila ka bahin sa Europa tungod sa padayon nga tensyon ug gubat sa rehiyon.
Sumala sa WHO, ang mga nag-unang hulga sa kahimsog mao ang trauma, kadaut sa lawas, ug kakulang o disability, kakulang sa padayun nga access sa serbisyo medikal para sa mga evacuee, ug ang posibilidad sa pagkatap sa sakit sa mga evacuation shelters.
Gihisgutan usab sa WHO ang peligro gikan sa mga pag-atake sa desalination plants nga makapakunhod sa suplay sa limpyo nga tubig, ingon man ang posibilidad sa chemical, biological, radiological, o nuclear nga insidente nga adunay grabe nga epekto sa kahimsog.
Lakip sa mga hulga ang heat-related illnesses, mental health distress, ug respiratory diseases.
Gawas sa direkta nga epekto, naghatag usab kini og kabalaka ang mga pag-atake sa oil storage facilities ug refineries sa Iran, Bahrain, ug Saudi Arabia tungod kay posibleng mosamot ang polusyon sa hangin ug mogahin ang suplay sa enerhiya.
Ang mga pag-atake sa health facilities nagresulta sa kamatayon sa pipila ka health workers, nga nakapakunhod sa access sa serbisyo medikal.