WHO, nagpasidaan kalabot sa pagkadaot sa mga balay tambalanan sa Iran

Gikabalaka karon sa World Health Organization kon WHO nga adunay pipila ka mga balay tambalanan ug mga pasilidad sa organisasyon ang nadamay tungod sa gyera sa Iran.

Matud ni WHO Director-General Tedros Adhanom Ghebreyesus, nga adunay 13 ka mga natala nga pag-atake sa mga balay tambalanan sa Iran tungod sa joint military operation sa US ug Israel.

Giberipika usab niini ang mga taho nga adunay mga medics ug volunteers ang nakabsan sa kinabuhi ug ang uban naangol.

Kahinumdoman nga una na nga misulat ang Iran ambassador to United Nation sa WHO nga adunay 10 ka pasilidad ang gitahong naigo sa military strikes.