Nagpahimangno ang World Heath Organization (WHO) niadtong Martes sa mga posibilidad sa pagkaylap sa chikungunya virus, subay sa pagtaas sa mga kaso niini sa ubang nasud ning tuiga.
Matud ni Dr. Diana Rojas Alvarez, nakita nila ang mga susamang pasidaan niadtong tuig 2004-2005, diin haos tunga sa milyon ang naigo sa chikungunya virus sa tibuok kalibutan.
Base sa WHO, subling nagsugod ang mga kaso sa mga isla sama sa Reunion, Mayotte, at Mauritius.
Ang chikungunya usa ka sakit nga dala sa lamok nga maoy hinungdan sa hilanat ug pagpanakit sa mga parte kalawasan, ug mahimong muresulta sa kamatayon sa ubang higayon.
Sa pagkakaron, natala na an sakit sa halos 119 ka nasud. Nanawagan ang WHO alang sa dinalian nga aksyon aron mapugngan ang pagkaylap sa maong sakit.