Gikumpirma sa White House nga ang nakatakdang panagpulong tali sa Presidente sa US nga si Donald Trump ug Presidente sa Russia nga si Vladimir Putin ipahigayon sa Anchorage, Alaska.
Matud sa White House press Secretary Karoline Leavitt, nga gilihok na matud pa niini ang pipila ka mga detalye sa maong panagpulong.
Apan wala kini gikumpirma kung ang Presidente sa Ukraine nga si Volodymyr Zelensky motambong sa panagpulng. Giisip usab sa White House ang miting nga usa ka “listening exercise” tungod usa lamang ka partido ang motambong sa niini.
Samtang wala nahisgutan ang posibilidad nga ipasiugda ni Trump ang usa ka kasabutan sa ceasefire deal tali sa Russia ug Ukraine.
Kahinumdoman nga ang European Union nagpasiugda nga kinahanglan nga ilakip ang Presidente sa Ukraine sa maong panagpulong aron hingpit nga ipatuman ang kasabutan sa ceasefire.