Wanted sa Kasong sa Pagpanlupig sa Asawa, Balhog sa Bilanggoan

Nakakustodiya na sa kapulisan ang usa ka 39-anyos nga lalaki nga gipangita sa kasong pagpanlupig batok saiyang asawa, human madakpan sa operasyon alas-2:20 sa kadlawon, niadtong milabayng adlaw, sa Purok 2, Barangay Manlamonay, Don Carlos, Bukidnon.

Ang suspek, residente sa maong lugar ug nagtrabaho isip habal-habal driver, adunay Warrant of Arrest ubos sa kasong may kalabotan sa Violence Against Women and Children, gikatakda ang piyansa nga ₱72,000 alang sa maong kaso. Sa pagkakaron, anaa na sa kustodiya sa kapulisan ang dinakpan alang sa disposasyon sa korte.