Nasikop sa joint operation sa kapulisan ang 45-anyos nga lalaki nga giila si Jonjie Loberanes Hermetanio alyas “Junjie” sa Market Site, Purok-B, Brgy. Aglayan, Malaybalay City Bukidnono, pasado alas 9:39 sa gabii,kagahapong adlawa, tungod sa kasong murder nga walay piyansa.
Gipahigayon ang operasyon sa mga sakop sa Bukidnon Provincial Intelligence Unit kauban ang Malaybalay City Police Station, Quezon Municipal Police Station ug Bukidnon 1st Provincial Mobile Force Company. Ang pagdakop gibase sa Warrant of Arrest alang sa kasong Murder ubos sa Criminal Case No. 40936-23 nga giisyu niadtong Mayo 5, 2023, nga walay piyansa nga girekomenda. Ang suspek residente sa Brgy. Puntian, Quezon.
Karon anaa na sa kustodiya sa Malaybalay CPS ang nadakpan alang sa dokumentasyon ug ipatugyan sa nag-isyu nga korte. Giila sa Bukidnon Police Provincial Office ang maayong koordinasyon sa mga operatiba ug giawhag ang publiko sa padayong kooperasyon aron mapalig-on ang kaluwasan sa probinsya.